طريقة عمل خلطة الحلبة المحوجة فى البيت من مطبخ ام ندى وفتحى

بسم الله الرحمن الرحيم 
طريقة عمل خلطة الحلبة المحوجة فى البيت من مطبخ ام ندى وفتحى 

المقادير 

2 كوب نشا +1كوب فول مطحون +1 كوب دقيق 
1 كوب مغات 
2 ملعقة كبيرة حلبة مطحونة 
ملعقة صغيرة ينسون 
ملعقة صغيرة شمر 
ملعقة صغيرة كراوية 
ملعقة كبيرة كركم 
3 ملعقة سمسم 
3 ملعقة جوزهند 

الطريقة 
يوضع فى اناء النشا مع الفول المطحون مع الدقيق 
ويحمص الشمر و الحلبة والكراوية والينسون ويطحن ناعم ويضاف على الخليط النشا السابق 
ويضاف الكركم والسمسم وجوزالهند ويقلب كلة مع بعض 
ويحفظ فى برطمان وانا هنا مش بحط معة اى مكسرات علشان الطعم ميتغيرش بعد كد 
بحط المكسرات عندا التقديم 

طريقة عمل الحلبة مشروب 
انا هنا بحط فى اناء كوب ماء كبير مع 3 ملعق سكرصغيرة 

مع 2 ملعقة صغيرة من خلطة الحلبة البودر السابقة ويقلب مع بعض ويوضع على النار حتى يغلظ القوام 

ويصب فى كوب وهنا انا كان عندى شوية مكسرات 

عين جمل وبندق ولوز وجوزهند دوفر وفروتة مسكرة وزبيب وفول سودانى ويزين الكوب بالمكسرات ويقدم 


انا هنا محطتش سمنة بس انتى لو عايزة ممكن يوضع 1 ملعقة سمنة بلدى ويوضع نصف ماء ونصف لبن 

حسب ما انتى عايزة بس انا مش بحب عليه سمنة 

علشان كد بحب الطريقة دى ال انا عملتها وممكن يحلى بالعسل الاسود 

وبالف هنا