انا اول مرة اعمل بسكويت بالكاكولا بس الطعم تحفة (الخطوات)

اية رايكم فى البسكويت دا بالكاكولا انا اول مرة اعمل بسكويت بالكاكولا بس الطعم تحفة 

دا بسكويت بس من غير نشادر وبالكاكولا 

المقادير 
نصف كليودقيق+2 ملعقة طعام جوزهند ناعم 
175 جم ( ممكن نص سمنه من الفريزر ونص زبده من الثلاجه ) 
150 جم سكر بودره 
45 ملل كاكولا فانتا برتقال 
10جم بيكنج بودر 2 ملعقة صغير بيكنج بودر 
2 بيضه + فانليا 
2 ملعقة طعام زيت 
الطريقه 
السكر مع الزبده والسمنه يضرب لغايه ما يهيش ويبقى لونه مائل للبياض 
نضع بيضه ونخلط حتى تختفى نضع البيضه التانيه ونضرب حتى تختفى ويضاف فانليا وننزل عليهم 45 ملل كاكولا برتقال ونخلط 
نضع البيكنج بودر مع الدقيق مع 2 ملعقة جوزالهند وننزل عليهم على الخليط السابق ويضاف2 ملعقة طعام زيت ونخلط حتى يتجانس ومش يلزق فى الايد 
ويشكل ويدخل الفرن على 150 درجه لمده 12 دقيقه 
ملحوظة 1: 
البسكويت لما يفرش يبقى عيب من اتنين 
الاول كميه البيكنج بودر كتير 
التانيه كميه الدقيق قليله عايزه رشه دقيق زياده 
على فكرة لون البسكويت الجميل دا من الكاكولا 

ملحوظة 2:البسكويت دا وسط يعنى مش ناعم ولا خشن ولو انتى عايزها ناعم حطى 200 جرام زبدة